Ici à Légitime News, nous avons foi en l’avenir, nous croyons dans une Haïti où nos compatriotes peuvent vivre humainement leur vie. Après avoir publié la version française de cette offre politique, nous avons jugé utile de contribuer à la vulgarisation de sa version créole. Synonyme de notre modeste contribution à la promotion de ce rêve visant à transformer notre pays.
KISA N AP FÈ AK PEYI A?
1- Èske n ap kite I jan I ye a?
2- Èske n ap kite sa yin pi mal?
3- Èske n ap angaje nou pou n chanje I ansanm, pou n transfòme I an yon peyi vivab kote tout moun dwe viv tankou moun?
Preyokipasyon sa yo rezime nan 3 senaryo suivan jan moun wè peyi a:
1- PITO NOU LÈD NOU LA
Gen yon kategori moun ki kwè Ayiti p ap janm chanje (senaryo pesimis).
2- BONDYE BON
Gen yon lòt gwoup ki kwè olye pou sa ta chanje, I ap vini pi mal chak jou (senaryo fatalite).
3- FÒK SA CHANJE
Gen yon lòt kategori ki kwè peyi a pa ka rete nan sitiyasyon li ye la (senaryo optimis)
Se twazyèm opsyon an ki fondalnatal vizyon pwojè sosyete AYITI TRANSFÒME – ORIZON 2054 Ia. Se sa nou pral devlope, yon mannyè pou pèmèt nou wè pi klè kisa AYITI TRANSFÒME a ye.
KISA YON AYITI TRANSFÒME VLE DI ?
- Yon Ayiti ki mèt tèt li.
- Yon Ayiti ki chita sou jistis sosyal.
- Yon Ayiti kote tout moun k ap viv tankou moun.
- Yon Ayiti ki bay jèn gason ak jèn fanm plas yo merite nan sosyete a.
- Yon Ayiti kote fanm ak gason egal ego nan tout bagay.
- Yon Ayiti ki ofri opòtinite reyisit pou tout moun.
- Yon Ayiti ki konte sou patisipasyon ak angajman sitwayen pou l devlope tout bon.
- Yon AYITI kote tout institisyon yo toujou kanpe djanm.
- Yon Ayiti kote tout sèvis piblik disponible pou tout sitwayen pou l devlope tout bon.
- Yon AYITI kote tout institisyon yo toujou kanpe djanm.
- Yon Ayiti kote tout sèvis piblik disponible pou tout sitwayen.
- Yon Ayiti kote responsab yo dwe rann kont bay pèp la.
- Yon Ayiti ki chita sou jistis ak etadedwa kote leta gen
tout otorite l.
Se yon Ayiti ki pa genyen:
Enstabilite – Enpinite – Enjistis – Movèz gouvènans – Ensekirite – Gang/ kriminalite – Kontrebann – Koripsyon – Favoritism
AYITI TRANSFÒME-ORIZON 2054 pa yon pati politik. Se pito yon vizyon sosyete ki chita sou 5 gwo pilye sa yo
1- DEMOKRASI ——> Yon Ayiti demokratik
2- ESTABILITE ——–>Yon Ayiti estab
3- SOLIDARITE ——->Yon Ayiti Solidè
4- PWOSPERITE ——>Yon Ayiti pwospè
5- KONPETITIVITE—->Yon Ayiti konpetitif
Chak pilye yo depann youn de lòt. vizyon an fonde sou lanmou pou peyi a, respè senbòl ak valè nasyonal yo epi rekonesans sakrifis zansèt nou yo.
KISA YON AYITI DEMOKRATIK VLE DI
- Tout enstitisyon yo an plas e y ap fonksyone kòmsadwa.
- Gen lajistis pou tout moun.
- Se pèp la ki chwazi dirijan I.
- Gwoup presyon yo enplike, jwe wòl yo nan fòse LETA pran desizyon ki ale nan sans enterè jeneral la
- Pa gen rejim bout di, kraze zo.
KISA YON AYITI ESTAB VLE DI ?
• Tout enstitisyon yo kanpe doubout.
• Se moun ki gen lejitimite ki nan tèt pouvwa leta yo.
• Se lalwa k ap gouvènen.
• Pa gen pouvwa de facto.
• Peyi a pa tounen dodin nan vle pa vle fò l ale tout tan.
• Se moun ki eli ki ranplase moun ki eli nan altènans toutan.
• Pa gen gang kap fè lalwa, kap simen dèy nan sosyete a.
KISA YON AYITI PWOSPÈ VLE DI ?
• Kreye richès nan peyi a pou nou soti nan malsite
• Limyè jistis ekonomik lan dwe klere pou tout pitit peyi a alawonnbade
• Leta envesti lajan nan gwo pwojè pou devlope peyi a.
• Moun ki gen lajan jwenn bonjan ankourajman pou envesti nan peyi a
• Remanbre enfrastrikti agrikòl yo ki fin kraze
• Pwoteje anviwònman an , byodivèsite ak ekosistèm yo.
• Mete anvalè tout tè ak rivyè pou pwodui manje ak elektrisite.
• Kreye anpil travay pou moun ki vle travay jwenn travay
• Pou vant pèp la sispann depann sou pwodui kap soti aletranje
• Agrikilti peyi a pwodui ase manje poun kaba pwoblèm ensekirite alimantè a
• Rebwazman dwe fèt sou tout tèt mòn yo pou pwoteje e ranfòse sous dlo yo
• Mezi ap pran e sipò ap bay pou ankouraje ayisyen ak etranje fè touris nan peyi
• Tout moun peye taks pou ranfòse envestisman piblik nan peyi a.
KISA YON AYITI KONPETITIF VLE DI ?
• Se chwal pwodiksyon nasyonal ki sele pou travese kalfou mondyalizasyon an.
• Genyen bon jan enfrastrik, wout, dlo, kay, lopital ak elektrisite toupatou nan peyi a.
• Peyi a pwodui manje pou tout pèp la.
• Leta mete ansanm ak sektè prive pou fè biznis mache nan peyi a.
• Leta mete kanpe bonjan pwojè kredi pou ankouraje jèn ak fanmm yo fè biznis nan peyi a..
• Leta mete kanpe bonjan kredi agrikòl pou ankouraje peyizan travay latè tankou tout biznis.
• Peyi gen bonjan endistri nasyonal kap pwodui manje ak lòt bagay pou li voye vann aletranje.
• Peyi a bay posiblite pou rale moun vin envesti nan peyi a.
• Peyi a mete an valè tout richès natirèl ak kiltirèl li.
KISA YON AYITI SOLIDÈ VLE DI ?
• Chak koukouy sispann klere pou je l sèlman.
• Youn voye je sou lòt.
• Tout moun jwenn nan richès peyi a.
• Gen pwoteksyon sosyal ak sekirite sosyal pou tout moun.
• Tout timoun ale lekòl / sant dakèy pou sila yo ki lage nan lari.
• Laswenyay, travay, lamanjay pou tout moun.
• Pa gen timoun nan lari pou mande, siye machin, anwole nan gang.
Pou pemet rev sa a reyalize nan entere pep ayisyen an, nou elabore kat (4) gwo chantye:
1- Chantye enstitisyonèl oubyen chantye gouvènans
2- Chantye sosyal
3- Chantye anviwònmantal
4- Chantye ekonomik
Vizyon Ayiti transfòme a planifye sou 3 faz.
N ap raple gen 2 gwo echeyansye k ap rive nan 30 lane k ap vini yo nan peyi a. Se selebrasyon twasan (300) lane fondasyon vil Pòtoprens an 2049 ak selebrasyon 250 lane endepandans d Ayiti an 2054. Pou nou pa rate 2 dat sa yo nou dwe komanse travay jodi a menm.
1- Mizannèv pwojè a kote nou poze ranp lansman/ baz transfòmasyon an sou yon kout dire (5 lane)
2- Akselere nan kontinyite pwosesis transfòmasyon an (15 lane)
3- Konsolide pwosesis transfòmasyon an, sètadi travay ki fèt deja yo (10 lane)
Sa k ap pèmèt nou fete avek fyète e dinyite 2049 ak 2054 jan sa mansyone pi wo a.